Gönguleiðir, golf og útivera
Á Álftanesi finna allir gönguleiðir við sitt hæfi. Álftanes er m.a. þekkt fyrir mikið og fjölbreytt fuglalíf. Álftanesið er viðkomustaður farfugla og verðmætt varpland og þar gefst einstakt tækifæri til að fylgjast með komu farfugla að vori, varpi á sumrin, undirbúningi að langflugi á haustin og margvíslegum fjöru- og sjófuglum á vetrum. Leirur og aðrar fjörur á nesinu eru áhugaverðar og aðgengilegar á öllum tímum árs. Göngutúr í nágrenni við Bessastaði, sem tugþúsundir gesta heimsækj á hverju ári, er eftirminnilegur og hringur á golfvellinum er einnig frábær leið til útiveru. Að loknum göngutúr er svo fátt eins ljúft og sundsprettur eða afslöppun í heitum potti eða gufubaði í þægilegu umhverfi Álftaneslaugar.
